Преподобный Роман Сладкопевец[12]
Преподобный Роман Сладкопевец родился в сирийском городе Емесе. Он был воспитан в христианской традиции и с юношеских лет помогал в храме. В царствование императора Анастасия Роман поселился в Константинополе: жил при церкви и нес послушание пономаря в главном храме византийской столицы – Святой Софии. Преподобный не имел певческого дара, не умел хорошо читать, но усердно помогал при богослужениях и вел добродетельную жизнь. Искреннего, доброго юношу приметил и полюбил Патриарх Евфимий, что вызвало зависть и ропот прочих служителей храма.
Узнав, что скромный пономарь получает жалованье наравне с чтецами и певцами, клирики[13] стали строить ему козни. На торжественном богослужении накануне Рождества Христова, когда в храме присутствовали император и Патриарх, они вытолкнули юношу на амвон[14] со словами: «Пой, раз получаешь равную с нами часть». От растерянности и неумения Роман пел и читал очень плохо и осрамился перед народом. По окончании службы, когда все вышли из церкви, он пал ниц перед иконой Богородицы и со слезами стыда и горя стал молиться. В эту ночь Богоматерь явилась святому во сне: она вложила в его уста свиток, называемый «кондакион»[15]. Сердце Романа исполнилось неизреченной духовной радости; проснувшись, он ощутил в своем уме дар понимания книг и восхваления Бога. Наступил час всенощного бдения, и преподобный, взойдя на амвон, исполнил песнопение, которое, воодушевленный благодатью, сочинил сам: «Дева днесь Пресущественнаго раждает, и земля вертеп Неприступному приносит; Ангели с пастырьми славословят, волсви же со звездою путешествуют: нас бо ради родися Отроча младо Превечный Бог»[16]. При этом он пел столь правильно и красиво, что поразил всех присутствующих.
Вскоре святой Роман был рукоположен в сан диакона и стал учителем пения. За свою дальнейшую жизнь этот подвижник составил более тысячи духовных гимнов, которые, пользуясь столь неожиданно полученным от Бога талантом, сам исполнял в храме. Его считают основателем нового жанра церковной гимнографии, по форме представляющего собой многострофную поэму, нередко с тем или иным рефреном[17], по содержанию же – образный рассказ с евангельским смыслом[18]. В современном понимании искусства святой был художником-реалистом. Он откликался на современные ему проблемы церковной и общественной жизни, использовал исторические источники, придавая конкретный, а не только лишь абстрактно-нравоучительный смысл и воспеванию добродетели, и обличению неправды.
Православная Церковь причислила преподобного Романа к лику святых, а люди – современники и потомки – назвали его Сладкопевцем. Этому угоднику Божию молятся о помощи церковные певчие, составители канонов и акафистов, пономари и чтецы. Вместе с тем, его можно считать покровителем композиторов, поэтов, исполнителей, стремящихся своим творчеством прославить Творца.
Составлено по источникам:
[Память] преподобного Романа Сладкопевца//Минея октябрь. М.: Издательский Совет Русской Православной Церкви, 2008. [Краткое житие].
Память преподобного Романа Сладкопевца//Димитрий Ростовский, свт. Жития святых: В 12 т. Т. 2. Месяц октябрь. [Репринтное издание]. М.: Лествица, 2004.
Успенский Н. Д. Святой Роман Сладкопевец и его кондаки//Киевская Русь. [Сайт]. URL: http://www.kievorthodox.org/site/worship/984/
Климова С. Под покровом Пресвятой Богородицы: история Романа Сладкопевца//Домовый храм мученицы Татианы МГУ им. М. В. Ломоносова [Сайт]. URL: http://www.sttatiana.ru/text/28191.html
Тропа́рь
глас 8
В тебе́, о́тче, изве́стно спасе́ся е́же по о́бразу: / прии́м бо крест, после́довал еси́ Христу́, / и де́я учи́л еси́ презира́ти у́бо плоть, прехо́дит бо, / прилежа́ти же о души́, ве́щи безсме́ртней. / Те́мже и со `Ангелы сра́дуется, преподо́бне Рома́не, дух твой.
Канон[19]
глас 6
Песнь 1
Ирмо́с: Я́ко по су́ху, пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную песнь пои́м, вопия́ше.
Припе́в: Преподо́бне о́тче Рома́не, моли́ Бо́га о нас.
Светосия́нныя лучи́ от Небе́с нам низпосли́ моли́твами твои́ми, му́дре Рома́не боже́ственне, твою́ похвали́ти свяще́нную па́мять пе́сньми.
Припев: Преподобне отче Романе, моли Бога о нас.
От ю́ности весь ты Христу́ тя сама́го предложи́в, после́довал еси́ Ему́, светоза́рными сия́ньми ум с Небесе́, Рома́не, облистава́я.
Сла́ва: Укра́шен добро́тою Вседе́тельнаго и Свята́го Ду́ха, я́ко звезда́ светосия́нная, доброде́телей све́тлостию, му́дре, яви́лся еси́, Рома́не, ми́ра конце́м.
И ны́не: Из Тебе́ про́йде неизрече́нно Бо́жие Сло́во Собезнача́льное в после́дняя времена́, и пе́рваго челове́ка Ада́ма, во тлю*[20] па́дшаго, Богоро́дице, возспасе́.
Песнь 3
Ирмос: Несть свят, я́коже Ты, Го́споди, Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.
Припев: Преподобне отче Романе, моли Бога о нас.
Ум твой, Рома́не му́дре, бысть оби́телище Тро́ицы Святы́я, исполня́емь благоче́стно зна́ния и́стиннаго, источа́я Боже́ственная пропове́дания.
Припев: Преподобне отче Романе, моли Бога о нас.
Струи́ искипе́ тече́ний честны́й твой язы́к, поя́ Боже́ственная и уясня́я му́дростно Христо́во к нам от Де́вы Рождество́ неизрече́нное.
Слава: Се пита́еши оби́льно му́дрыми уче́ньми и кра́сными[21] песнопе́нии по́мыслы на́ша и исполня́еши сла́дости боже́ственнейшия, Рома́не богогла́се.
И ныне: Всех еси́ во́инств вы́шши, Де́во, тех бо Соде́теля, Сы́на Бо́жия, зачала́ еси́ во утро́бе и, ро́ждши, пребыва́еши Присноде́ва.
Го́споди, поми́луй. (Трижды.)
Седа́лен
глас 5
Насажде́н, я́коже дре́во, о́тче блаже́нне, при исхо́дищих вод по́стнических, Боже́ственным соде́йством плоды́ боле́зней твои́х во вре́мя я́вственно Садоде́лателю и Творцу́ отда́л еси́. Сего́ ра́ди святу́ю твою́ пое́м па́мять, честву́юще тя, Рома́не преподо́бне.
Слава, и ныне: В Тебе́ та́инство тре́петное соверша́ется, Деви́це, Су́щаго Бо́га Сло́ва от Отца́ в ложесна́х зачала́ еси́, и ражда́еши па́че естества́ Челове́ка соверше́нна.
Песнь 4
Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т, взыва́ющи, от смы́сла чи́ста о Го́споде пра́зднующи.
Припев: Преподобне отче Романе, моли Бога о нас.
Прия́телище* был еси́ Боже́ственнаго Ду́ха и огнедохнове́нная уста́, возглаша́ющая боже́ственная песнопе́ния и наслажда́ющая ду́ши, Рома́не, притека́ющих ти.
Припев: Преподобне отче Романе, моли Бога о нас.
Я́ко цевни́ца* ты был еси́ Небе́сная и гусль, вся́кую к себе́ влеку́щи мысль повестьми́ твои́ми и кра́сными твои́ми песнопе́нии.
Слава: Благода́ть дхне[22] и всели́ся в светоно́сную твою́ ду́шу, Вседе́тельнаго и Пресвята́го Ду́ха, прехва́льне, и тя прия́телище и му́дра боговеща́теля соде́ла.
И ныне: Яд излия́ в прама́терния у́бо слу́хи змий, но Ты, Чи́стая, сего́ истрясла́ еси́, Арха́нгеловым гла́сом заче́нши и ро́ждши Христа́.
Песнь 5
Ирмос: Бо́жиим Све́том Твои́м, Бла́же, у́тренюющих* Ти ду́ши любо́вию озари́, молю́ся, Тя ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.
Припев: Преподобне отче Романе, моли Бога о нас.
Я́ко благоле́пнейшо святи́лище, сосу́д я́ко чисте́йший, Уте́шителева благода́ть обре́тши тя, Рома́не богому́дре, храм соде́ла, све́том укра́шен, и всели́ся.
Припев: Преподобне отче Романе, моли Бога о нас.
Воплоще́ннаго Сы́на Бо́жия Ро́ждшая и́стинно твою́ ду́шу просвети́ и ум Боже́ственнаго зна́ния испо́лни, в нощи́ предста́вши тебе́, Присноде́ва.
Слава: Списа́ньми твои́х свяще́нных слове́с, приснопа́мятне, яви́вся всем вои́стину сладча́йший, вся увеселя́еши, всех просвеща́я ум и вся науча́я зна́нию спаси́тельному.
И ныне: Свет ро́ждшая, `Отчее Сло́во Присносу́щное, Чи́стая, свеща́тельными* моли́твами Твои́ми просвети́ ум мой и отжени́ тьму души́ моея́, Пречи́стая Влады́чице.
Песнь 6
Ирмос: Жите́йское мо́ре, воздвиза́емое зря[23] напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.
Припев: Преподобне отче Романе, моли Бога о нас.
Просвеще́ния исполня́емь и к высоте́ доброде́телей Боже́ственно возводи́мь, небре́гл еси́ о всех земны́х: и столп Небе́сный, и свети́льник благоче́стия был еси́.
Припев: Преподобне отче Романе, моли Бога о нас.
Пло́ти увяди́л[24] еси́ жела́ния и ду́шу твою́ украси́л еси́ светле́йшими чистоты́ озаре́ньми, и добро́ту рачи́тельную доброде́телей благоле́пием обложи́л еси́.
Слава: Возненави́дев привре́менное, и су́етное, и гнило́е, и те́чное наслажде́ние, к хра́му Богоро́дицы прилежа́, ум освяти́л еси́, и ду́шу, и те́ло, достосла́вне.
И ныне: Вси предзря́ще проро́цы све́тло бу́дущее по́слежди от Де́вы, Христе́ мой, Твое́ на земли́ пренепоро́чное Рождество́, я́вственно богови́дцы провеща́ша.
Го́споди, поми́луй. (Трижды.)
Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.
Конда́к
глас 8
Боже́ственными доброде́тельми ду́ха измла́да украси́вся, Рома́не прему́дре, Це́ркви Христо́ве пречестно́е украше́ние был еси́: пе́нием бо прекра́сным украси́в ю, блаже́нне. Тем мо́лим тя: пода́ждь жела́ющим боже́ственнаго дарова́ния твоего́, я́ко да вопие́м ти: ра́дуйся, о́тче преблаже́нне, красото́ церко́вная.
И́кос[25]
Возлюби́в, преподо́бне, Христо́вы Боже́ственныя за́поведи, и возненави́дев ми́ра сего́ наслажде́ние, прише́л еси́ усе́рдно к Тому́, и был еси́ свети́льник просвеща́я концы́ блиста́нием духо́вным; тем припа́дая молю́ тя: просвети́ мои́ о́чи душе́внии, воспе́ти твоя́ по́двиги, поще́ние, и бде́ние, и сле́зы, боле́зни и изможде́ние те́ла, блаже́нныя ра́ди бу́дущия жи́зни, ея́же ны́не наслажда́ешися, моли́ непреста́нно о всех нас.
Песнь 7
Ирмос: `Отроцы в Вавило́не пе́щнаго пла́мене не убоя́шася, но посреде́ пла́мене вве́ржени, ороша́еми, поя́ху: благослове́н еси́, Го́споди, Бо́же оте́ц на́ших.
Припев: Преподобне отче Романе, моли Бога о нас.
Богоро́дицу Мари́ю богому́дра име́л еси́ Учи́теля, вразумля́ющую тя, и науча́ющую, и пе́ти повелева́ющую: благослове́н еси́, Го́споди, Бо́же оте́ц на́ших.
Припев: Преподобне отче Романе, моли Бога о нас.
Возсия́л еси́ в ми́ре, я́ко светле́йшее со́лнце, Рома́не богому́дре, и све́тло просвеща́я ве́рою зову́щия: благослове́н еси́, Го́споди, Бо́же оте́ц на́ших.
Слава: Твои́х глаго́л веща́ние вселе́нную испо́лни и красно́ песнопе́ти Христу́ челове́ки научи́: благослове́н еси́, Го́споди, Бо́же оте́ц на́ших.
И ныне: Ны́не блажа́т Тя вси ро́ди челове́честии, Богоро́дице Чи́стая, я́коже прорекла́ еси́, и ве́рою сла́вят: благослове́н, Пречи́стая, Плод чре́ва Твоего́.
Песнь 8
Ирмос: За зако́ны оте́ческия блаже́ннии в Вавило́не ю́ноши, предбе́дствующе, царю́ющаго оплева́ша повеле́ние безу́мное, и, совоку́плени, и́мже не свари́шася огне́м, Держа́вствующему досто́йную воспева́ху песнь: Го́спода по́йте дела́ и превозноси́те во вся ве́ки.
Припев: Преподобне отче Романе, моли Бога о нас.
Всю ми́ра красоту́, и сла́дость, и сла́ву оттря́с, ду́шу твою́ впери́л* еси́ к Вы́шним лико́м, к та́мошним сла́вам и све́тлостям, му́дре, к добро́там неизрече́нным, к пребыва́нием та́мошним, к све́ту Богонача́лия, зовя́: Тя превозно́сим, Христе́, во ве́ки.
Припев: Преподобне отче Романе, моли Бога о нас.
Боже́ственным жела́нием распаля́емь, восхожде́ния положи́л еси́ в се́рдцы твое́м и безпло́тное во пло́ти житие́ стяжа́л еси́. `Ангельским чино́м подо́бяся, му́дре, та́мо су́щая возлюби́л еси́ в ми́ре песнопе́ния, ве́рою, Рома́не, взыва́я: Тя превозно́сим, Христе́, во ве́ки.
Слава: Высоковеща́нием боже́ственных твои́х и сладча́йших слове́с, блаже́нне Рома́не, всяк по́мысл весели́ши челове́ков и услажда́еши, я́коже не́кий пита́тель богатотво́рный, и просвеща́еши све́тло и науча́еши вопи́ти: Го́спода по́йте дела́ и превозноси́те во вся ве́ки.
И ныне: Равнобо́жием прельсти́в мя, человекоуби́йца, змий лука́внейший, я́ко пле́нника, исхити́ сла́дости ра́йския, но Влады́ка, естество́м Сын Бо́жий, вопло́щся, прии́де от Де́вы Мари́и, и взят мя на высоту́, обожи́в: Его́же превозно́сим во вся ве́ки.
Песнь 9
Ирмос: Безсе́меннаго зача́тия Рождество́ несказа́нное, Ма́тере Безму́жныя нетле́нен Плод: Бо́жие бо рожде́ние обновля́ет естества́. Те́мже Тя вси ро́ди, я́ко Богоневе́стную Ма́терь, правосла́вно велича́ем.
Припев: Преподобне отче Романе, моли Бога о нас.
Го́рнейшим*, сла́вне, лико́м совокупи́лся еси́ безпло́тным, иде́же неизрече́нная пребыва́ет ра́дость и всегда́шнее наслажде́ние, иде́же о́ный Богонача́лия свет есть и весе́лие, иде́же неизглаго́ланная сла́ва, блаже́ннейше.
Припев: Преподобне отче Романе, моли Бога о нас.
С пра́ведными внутрь Боже́ственныя сла́вы всели́вся, зри́ши красоту́ неизрече́нную о́ную, зри́ши сла́дость неконча́емую, зри́ши добро́ты Небе́сныя, и́стинно жела́нныя, му́дре, ви́диши патриа́рхов ли́ки, Рома́не сла́вне.
Слава: Твою́ светоно́сную па́мять ве́рно соверша́ющия от бед изба́ви моли́твами твои́ми, богому́дре, и от вся́каго вреда́, Рома́не, и ско́рби чужда́го и Небе́сныя сла́вы получи́ти сподо́би и Ца́рствия Го́рняго*, блаже́ннейше.
И ныне: От дре́вняго паде́ния челове́ческий род первозда́ннаго бысть тле́нен, Де́во Богоро́дице, и порабоще́н страстьми́ грехо́вными, но из Тебе́ рожде́йся Преблаги́й Бог Свои́м благоутро́бием того́ воззва́.
Молитва[26]
Преподо́бне о́тче Рома́не! Воззри́ на нас ми́лостивно и к земли́ приве́рженных возведи́ к высоте́ Небе́сней. Ты горе́ на Небеси́, мы на земли́ ни́зу, удале́ны от тебе́, не толи́ко ме́стом, ели́ко грехми́ свои́ми и беззако́нии, но к тебе́ прибега́ем и взыва́ем: наста́ви нас ходи́ти путе́м твои́м, вразуми́ и руково́дствуй. Вся твоя́ свята́я жизнь бысть зерца́лом вся́кия доброде́тели. Не преста́ни, уго́дниче Бо́жий, о нас вопия́ ко Го́споду. Испроси́ предста́тельством твои́м у Всеми́лостиваго Бо́га на́шего мир Це́ркви Его́, под зна́мением Креста́ вои́нствующей, согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех, больны́м исцеле́ние, печа́льным утеше́ние, оби́женным заступле́ние, бе́дствующим по́мощь. Не посрами́ нас, к тебе́ с ве́рою притека́ющих. Вси правосла́внии христиа́не, твои́ми чудесы́ испо́лненнии и ми́лостями облагоде́тельствованнии, испове́дуют тя бы́ти своего́ покрови́теля и засту́пника. Яви́ дре́вния ми́лости твоя́, и и́хже отце́м вспомоществова́л еси́, не отри́ни и нас, чад их, стопа́ми их к тебе́ ше́ствующих. Предстоя́ще всечестне́й ико́не твое́й, я́ко тебе́ жи́ву су́щу, припа́даем и мо́лимся: приими́ моле́ния на́ша и вознеси́ их на же́ртвенник благоутро́бия Бо́жия, да прии́мем тобо́ю благода́ть и благовре́менную в ну́ждех на́ших по́мощь. Укрепи́ на́ше малоду́шие и утверди́ нас в ве́ре, да несомне́нно упова́ем получи́ти вся блага́я от благосе́рдия Влады́ки моли́твами твои́ми. О превели́кий уго́дниче Бо́жий! Всем нам, с ве́рою притека́ющим к тебе́, помози́ предста́тельством твои́м ко Го́споду и всех нас упра́ви в ми́ре и пока́янии сконча́ти живо́т наш и пресели́тися со упова́нием в блаже́нныя не́дра Авраа́мова, иде́же ты ра́достно во труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́ и Сы́на и Свята́го Ду́ха, ны́не и при́сно*, и во ве́ки веко́в. Ами́нь.