Архангел Михаил[12]
Святой Архангел Михаил поставлен Господом над всеми девятью чинами Ангелов[13]. Его именуют также Архистратигом – предводителем Небесного воинства, ибо именно он возглавил противостояние верных Богу бесплотных Сил возгордившемуся сатане и стал, таким образом, первым военачальником во вселенной.
Небесное воинство служит Богу и людям. Будучи разумными, свободными, духовными по природе существами, Ангелы окружают Престол Творца и славят Пресвятую Троицу. Они созерцают Бога и обретают через это необходимую для укрепления в добре благодать. Исполняя Божественную волю, Ангелы содействуют делу спасения людей: возвещают волю Божию, хранят от греховных падений и являются для верующего человека непременными соратниками и защитниками.
Архистратиг Михаил упоминается в Ветхом Завете как князь великий, стоящий за сынов народа[14]. Он помогал израильтянам в их битвах с неприятелем и сопровождал пророка Моисея на пути в Обетованную землю. При взятии Иерихона Небесный Архистратиг явился Иисусу Навину в облике мужа с обнаженным мечом в руке[15]. Это явление воодушевило предводителя израильтян надеждой на Небесную помощь. Вскоре Иерихон пал, открыв народу Божиему путь по ханаанской земле.
В новозаветные времена наиболее известным явилось так называемое «чудо Архангела Михаила в Хонех», произошедшее в IV веке во Фригии[16]. Там находился величественный храм, посвященный Архистратигу Михаилу, с проистекавшим поблизости целебным источником. Святое место, привлекавшее множество паломников, весьма раздражало живущих в окрестностях приверженцев язычества, в особенности оттого, что проповедь подвижника Архиппа[17], много лет служившего при этом храме пономарем, обратила ко Христовой вере множество их собратьев. Язычники решили погубить Архиппа, а заодно и уничтожить храм. Они соединили две горные реки и направили поток бушующей воды в сторону церкви. Оказавшись в отчаянном положении, святой Архипп усердно молился о предотвращении бедствия. Несчастье казалось неминуемым, но на помощь явился сам Архистратиг Михаил. Ударом жезла он открыл в горе расселину и повелел бурлящему потоку устремиться в нее, так что храм остался цел и невредим. Увидев столь потрясающее душу и ум явление, язычники в страхе бежали, а святой Архипп и собравшиеся христиане прославляли Бога, явившего чудо через Своего Архангела. Место же то получило название Хоны, что значит «отверстие, расселина».
В истории нашего Отечества также были случаи помощи Архистратига Михаила в бедах и на поле брани. Одно из свидетельств об этом относится к 1608 году, то есть ко времени нашествия поляков на Русь. Архангел явился тогда архимандриту Иосифу – наместнику Троице-Сергиевой Лавры. Монастырь находился в тяжелейшей осаде[18], душевные и физические силы покидали монахов, но чудесное явление уверило их, что Божия помощь близка. И неприятель, проведя у монастырских стен многие месяцы, так и не смог в итоге ступить в пределы обители.
Защита русских городов Пресвятой Богородицей также отмечена Ее явлениями с воинством Небесным, предводительствуемым Архистратигом Михаилом. Архангельские соборы, возносящие сугубую молитву своему Небесному покровителю, есть в Нижнем Новгороде, Старице, в Московском Кремле. Под его покровительством находится также Архангельск, получивший в ХХ веке почетное звание «Город воинской славы».
Православная Церковь признает Архангела Михаила всеобщим заступником христиан, ведущих борьбу с диаволом на поле духовной брани, в особенности же воинов, сражающихся за Отечество. Она именует его Первоангелом за особую близость к Богу, «ограждением, утверждением и оружием» верных[19], «необоримой стеной» на пути врага[20]. На иконах Архистратига часто изображают с обнаженным огненным мечом, а также со щитом или копьем. Крест, венчающий древко копья, дает нам понимание того, что брань с царством тьмы и победа над ним совершаются во имя Креста Христова, то есть посредством терпения, смирения и самоотвержения.
Архангелу Михаилу молятся о покровительстве на поле брани, о сохранении верности Богу и стойкости перед лицом врага, о помощи в духовной борьбе.
Составлено по источникам:
Воспоминание бывшего чудесе в Колоссах, еже есть в Хонех, от Архистратига Михаила // Минея сентябрь. М.: Издательский Совет Русской Православной Церкви, 2003. [Историческая справка].
Давыденков О., свящ. Догматическое богословие: В III ч. Ч. III. М.: ПСТБИ, 1997.
Олейникова Т.С. Архангелы – наши покровители. М.: Светлый берег, 2007.
Тропа́рь
глас 4
Небе́сных во́инств Архистрати́же*[21], / мо́лим тя при́сно* мы, недосто́йнии, / да твои́ми моли́твами огради́ши нас / кро́вом крил невеще́ственныя твоея́ сла́вы, / сохраня́я нас, припа́дающих приле́жно и вопию́щих: / от бед изба́ви нас, / я́ко чинонача́льник вы́шних Сил.
Канон[22]
глас 4
Песнь 1
Ирмо́с: Отве́рзу уста́ моя́, и напо́лнятся ду́ха, и сло́во отры́гну* Цари́це Ма́тери, и явлю́ся све́тло торжеству́я, и воспою́, ра́дуяся, Тоя́ чудеса́.
Припе́в: Святы́й Архистрати́же Михаи́ле, моли́ Бо́га о нас.
Боже́ственными светлостьми́ облистава́емь всегда́, ум мой озари́, е́же воспе́ти тя, Архистрати́же го́рних* во́инств, всех утвержде́ние притека́ющих к тебе́.
Припе́в: Святый Архистратиже Михаиле, моли Бога о нас.
Ум Пребезнача́льный преми́рнаго чинонача́льника показа́ чи́на тя, пресла́вне Архистрати́же, и свет су́щих во тьме, и боже́ственное украше́ние Це́ркве Своея́.
Сла́ва: Умо́в предваря́я Небе́сных в Ду́се, до́льним* же, всеизря́днейшее, Михаи́ле, да́лся еси́ огражде́ние, и утвержде́ние, и ору́жие, враги́ закала́ющее и потребля́ющее.
И ны́не: Де́во Всенепоро́чная, Я́же А́нгелов благоле́пие, челове́ков по́моще, Ты мне помози́, морепла́вающему и в бу́ри греха́ при́сно впа́дающу и бе́дствующу.
Песнь 3
Ирмос: Не му́дростию и си́лою и бога́тством хва́лимся, но Тобо́ю, О́тчею Ипоста́сною Му́дростию, Христе́, несть бо свят па́че Тебе́, Человеколю́бче.
Припев: Святый Архистратиже Михаиле, моли Бога о нас.
Кре́постию боже́ственною, воево́до А́нгелов всехва́льне, обхо́диши всю зе́млю, от лю́тых ны изыма́я, призыва́ющих твое́ боже́ственное и́мя.
Припев: Святый Архистратиже Михаиле, моли Бога о нас.
Я́ко боже́ствен пропове́дник, я́ко предста́-тель ве́рных непосты́ден, заблу́ждших путево́ждь и наказа́тель* был еси́, Бо́жий Архистрати́же богови́днейший.
Слава: Боже́ственнаго сия́ния чи́стшее зерца́ло был еси́, явле́ния честна́го све́тло прие́м Ду́ха, Михаи́ле Первоа́нгеле досточу́дне.
И ныне: Невеще́ственныя умы́ Соста́вивый во́лею в веще́ственное Твое́ чре́во всели́ся хоте́нием, Всенепоро́чная, пло́тию зримь Незре́нный.
Го́споди, поми́луй. (Трижды.)
Седа́лен
глас 8
Небе́сных чино́в наста́вник, служи́тель же сла́вы Боже́ственныя досто́йно быв повеле́нием Зижди́теля* Твоего́, христиа́ном еси́ хода́тай спаси́тельный, невеще́ственною твое́ю сла́вою земны́я назира́я*. Те́мже по до́лгу благохва́лим тя вси, боже́ственное твое́ днесь воспева́юще торжество́, Михаи́ле Архистрати́же, моли́ Христа́ Бо́га грехо́в оставле́ние дарова́ти пра́зднующим любо́вию боже́ственная твоя́ чудеса́.
Слава: Лик А́нгельский Архистрати́га име́я, боже́ственнаго Михаи́ла, с ним Святе́й Тро́ице немо́лчное приноша́ет песнопе́ние, из не су́щих бо Соде́тель вся́ческих во́инства огнезра́чных чино́в Сло́вом приведе́.
И ныне: Упова́ние христиа́н, Пресвята́я Де́во, Его́же родила́ еси́ Бо́га, па́че ума́ же и сло́ва, непреста́нно моли́ с вы́шними Си́лами пода́ти оставле́ние грехо́в на́ших всех и исправле́ние жития́ ве́рою и любо́вию при́сно Тя сла́вящим.
Песнь 4
Ирмос: Седя́й в сла́ве на Престо́ле Божества́, во о́блаце ле́гце, прии́де Иису́с Пребоже́ственный нетле́нною дла́нию* и спасе́ зову́щия: сла́ва, Христе́, си́ле Твое́й.
Припев: Святый Архистратиже Михаиле, моли Бога о нас.
Ум сый* Пе́рвый, соста́вил еси́ боже́ственныя умы́ хоте́нием, нача́льника посреде́ сих Михаи́ла соде́ла, всеблаже́нным прича́стием просвеща́ема и у́мными богонача́лии облиста́ема.
Припев: Святый Архистратиже Михаиле, моли Бога о нас.
Пе́ние свято́е со Престо́лы, и Нача́лы, и Си́лами, и Властьми́, и свяще́нными Госпо́дьствы[23] возглаша́еши Тро́ице, пресла́вне Михаи́ле, спаса́я ны, пою́щия тя.
Слава: Велича́ем всех Творца́ же и Го́спода, за благоутро́бие да́вшаго обхране́ние велича́йшее и необори́му сте́ну и забра́ло, Михаи́ла нам, светоза́рного Архистрати́га.
И ныне: Мы́сленно, Де́во, Твоего́ Рождества́ пресла́вное ска́зоваше дре́вле священноявле́нный, Ду́хом го́ру присе́нную* ви́дя Тя ясне́йше, из Нея́же Святы́й прии́де Бог воплоща́емь.
Песнь 5
Ирмос: Нечести́вии не у́зрят сла́вы Твоея́, Христе́, но мы Тя, Единоро́дне, Оте́ческия сла́вы сия́ние Божества́, от но́щи у́тренююще*, воспева́ем Тя, Человеколю́бче.
Припев: Святый Архистратиже Михаиле, моли Бога о нас.
Яви́лся еси́ предводя́щ дре́вняго Изра́иля, повеле́нием Су́щаго из Иа́кова, челове́ком я́вльшагося дебельство́м те́ла[24], Михаи́ле безтеле́сный, А́нгелов Архистрати́же.
Припев: Святый Архистратиже Михаиле, моли Бога о нас.
Невеще́ственными сия́нии обожа́емь при́сно, прича́стием богонача́льным, и нам осия́ние светода́тельное подава́еши, Первоа́нгеле, пресла́вно удивля́емь.
Слава: Украси́ся благода́тию боже́ственный твой храм, в той бо прише́д, враче́вств пучи́ну его́ показа́л еси́, Михаи́ле Первоа́нгеле, и страсте́й потреби́теля.
И ныне:!Умных А́нгелов Тя показа́ Бог вы́шшую, всели́вся в Твоя́ ложесна́, Чи́стая, Всенепоро́чная, Его́же моли́ всегда́ уще́дрити пою́щия Тя.
Песнь 6
Ирмос: Возопи́, прообразу́я погребе́ние тридне́вное, проро́к Ио́на, в ки́те моля́ся: от тли* изба́ви мя, Иису́се, Царю́ Сил.
Припев: Святый Архистратиже Михаиле, моли Бога о нас.
Ра́дуется ве́рных мно́жество, благохва́лящее тя, и сла́вит Всесвято́го Сло́ва, совоку́пльшаго земны́я со А́нгелы, Михаи́ле, Свое́ю бла́гостию.
Припев: Святый Архистратиже Михаиле, моли Бога о нас.
Во́инства Изра́илева спасл еси, явля́яся и боже́ственная подая́ повеле́ния, Архистрати́же, враги́ низложи́л еси́ и в коне́ц сия́ истреби́л еси́.
Слава: Я́ко ви́де тя Иису́с Нави́н, поклони́ся, вопроси́в честна́го твоего́ и свята́го и́мене, нача́льниче А́нгелов, благогове́нием и стра́хом держи́мь.
И ныне: Блаже́ни лю́дие, при́сно блажа́щии Тя, Блаже́нная, Я́же Бо́га Блаже́ннаго ро́ждшая, земны́я за милосе́рдие неизрече́нным едине́нием обожи́вшаго.
Го́споди, поми́луй. (Трижды.)
Сла́ва Отцу́ и Сы́ну и Свято́му Духу и ны́не, и при́сно, и во ве́ки веко́в. Ами́нь.
Конда́к
глас 2
Архистрати́же Бо́жий, служи́телю Боже́ственныя сла́вы, А́нгелов нача́льниче и челове́ков наста́вниче, поле́зное нам проси́ и ве́лию* ми́лость, я́ко безпло́тных Архистрати́г.
И́кос
Рекл еси́, Человеколю́бче, в Писа́ниих Твои́х, мно́жеству ра́доватися А́нгелов на Небеси́ о челове́це еди́ном ка́ющемся, Безсме́ртне. Те́мже мы, и́же в беззако́ниих, Безгре́шне Еди́не Сердцеве́дче, Тя моли́ти всегда́ дерза́ем, я́ко Благоутро́бнаго, уще́дрити и низпосла́ти недосто́йным умиле́ние, Влады́ко, подая́ нам проще́ние, о всех бо нас мо́лится Тебе́ безпло́тных Архистрати́г.
Песнь 7
Ирмос: Спасы́й во огни́ Авраа́мския Твоя́ о́троки и халде́и убив, я́же Пра́вда пра́ведно уловля́ше, препе́тый Го́споди, Бо́же оте́ц на́ших, благослове́н еси́.
Припев: Святый Архистратиже Михаиле, моли Бога о нас.
Усмотри́в, Дании́л ви́де купностоя́ща* тя, блаже́нне, и умудря́юща того́ в Хова́ре[25], виде́ние, е́же ви́де, Гаврии́ле молниезра́чне, Михаи́ла чинонача́льника тому́ явля́юща.
Припев: Святый Архистратиже Михаиле, моли Бога о нас.
А́нгелов наста́вники, богови́дныя и светоно́сныя, Михаи́ла и Гаврии́ла, на́ша благи́я уте́шители и предста́тели, и храни́тели, восхва́лим ве́рою велегла́сно.
Слава: Красе́н и всеблаголе́пен и богови́ден сый, вождь па́че ума́ невеще́ственных духо́в был еси́, Михаи́ле светоза́рнейше, с ни́ми у́бо о всех нас моли́ся.
И ныне: Ума́ Вели́каго и́стинно Сло́во Присносу́щное, Де́во, в Тя неизглаго́ланно и стра́шно всели́вшася ви́дя, возопи́ Гаврии́л Арха́нгел: ра́дуйся, Престо́ле Высоча́йшаго, Благослове́нная.
Песнь 8
Ирмос: Изба́вителю всех, Всеси́льне, посреде́ пла́мене благоче́ствовавшия, снизше́д, ороси́л еси́ и научи́л еси́ пе́ти: вся дела́ благослови́те, по́йте Го́спода.
Припев: Святый Архистратиже Михаиле, моли Бога о нас.
Мы́сленных безтеле́сных чинонача́льник, моли́твенник челове́ков спаси́телен, боже́ствен Бо́жий служи́тель, Михаи́ле, показа́лся еси́, поя́ непреста́нно: вся дела́ благослови́те, по́йте Го́спода.
Припев: Святый Архистратиже Михаиле, моли Бога о нас.
Свети́льника два́ всесве́тлая, Михаи́ле и Гаврии́ле Арха́нгели, Трисве́тлаго Божества́ сия́ньми тварь просвеща́ющии, лю́тых мглу́ отгоня́ете.
Слава: Я́ко до́брии ко́рмчии, Арха́нгели, ко приста́нищу Боже́ственныя во́ли душе́вный кора́бль мой спаса́йте, от бу́ри грехо́в па́дший и бе́дствующий.
И ныне: Невестокраси́тель боже́ственный Арха́нгел, предста́в, приглаша́ше Тебе́, е́же ра́дуйся, Неве́сто Бо́жия Безневе́стная, А́нгелов сла́во и челове́ков спасе́ние и огражде́ние.
Песнь 9
Ирмос: Е́ва у́бо неду́гом преслуша́ния кля́тву всели́ла есть; Ты же, Де́во Богоро́дице, прозябе́нием* чревоноше́ния ми́рови благослове́ние процвела́ еси́. Тем Тя вси велича́ем.
Припев: Святый Архистратиже Михаиле, моли Бога о нас.
Се, благоле́пие твоего́, Арха́нгеле, боже́ственнаго хра́ма, осия́ющее светоза́рным твои́м прису́тствием, чуде́с мо́лнии испуща́ет и тьмы неду́гов всегда́ отгоня́ет Боже́ственною благода́тию.
Припев: Святый Архистратиже Михаиле, моли Бога о нас.
Я́ко сопру́г* красе́н и ле́потен су́ще, Вла-ды́чним повеле́нием су́щим на земли́ слу́жите, Арха́нгели, от лю́тых изыма́юще и всем просвеще́ние посыла́юще спаси́тельное Боже́ственным Ду́хом.
Припев: Святый Архистратиже Михаиле, моли Бога о нас.
Днесь ра́дуются с на́ми безтеле́снии боже́ственнии у́ми, воспева́ема ви́дяще сего́ от всех, вели́каго и све́тлаго Архистрати́га, и любо́вию с на́ми пра́зднуют, Жизнода́вца велича́юще.
Слава: Боже́ственная дво́ице и светоза́рна, Арха́нгели Михаи́ле всече́стне и Гаврии́ле препросла́вленне, Тро́ице Честне́й предстоя́ще, прегреше́ний вины́ и му́ки хваля́щия вас изба́вите.
И ныне: Глас Тебе́ боже́ственнаго Гаврии́ла прино́сим ра́достно и взыва́ем: ра́дуйся, Раю́, Дре́во посреде́ Жи́зни име́яй, Пречи́стая, пресла́вная Сло́ва Пала́то; ра́дуйся, Де́во Всенепоро́чная.
Молитва[26]
О святы́й Михаи́ле Арха́нгеле, светлообра́зный и гро́зный Небе́снаго Царя́ воево́до! Пре́жде Стра́шнаго Суда́ осла́би ми пока́ятися от грехо́в мои́х, от се́ти ловя́щих изба́ви ду́шу мою́ и приведи́ ю к сотво́ршему ю Бо́гу, седя́щему на Херуви́мех, и моли́ся о ней приле́жно, да твои́м хода́тайством по́слет ю в ме́сто поко́йное. О гро́зный воево́до Небе́сных Сил, предста́телю всех у Престо́ла Влады́ки Христа́, храни́телю тве́рдый всем челове́ком и му́дрый ору́жниче, кре́пкий воево́до Небе́снаго Царя! Поми́луй мя, гре́шнаго, тре́бующаго твоего́ заступле́ния, сохрани́ мя от всех ви́димых и неви́димых враг, па́че же подкрепи́ от у́жаса сме́ртнаго и от смуще́ния диа́вольскаго и сподо́би мя непосты́дно предста́ти Созда́телю на́шему в час стра́шнаго и пра́веднаго Суда́ Его́. О всесвяты́й вели́кий Михаи́ле Архистрати́же! Не пре́зри мене́, гре́шнаго, моля́щагося тебе́ о по́мощи и заступле́нии твое́м, в ве́це сем и в бу́дущем, но сподо́би мя та́мо ку́пно с тобо́ю сла́вити Отца́ и Сы́на и Свята́го Ду́ха во ве́ки веко́в. Ами́нь.