Архангел Рафаил[12]
Почитание святых Ангелов в Церкви Божией является столь же древним, как и сама Церковь. Оно не прекращается с первых времен бытия мира. Будучи разумными, свободными, духовными по природе существами, Ангелы окружают Престол Творца и славят Пресвятую Троицу. Они содействуют спасению людей: возвещают волю Божию, хранят от греховных падений и являются для христиан непременными соратниками и защитниками. Согласно православному учению об Ангелах, Небесная иерархия включает в себя девять чинов. К высшим из них относятся Серафимы, Херувимы и Престолы. Средняя триада – Господства, Силы и Власти. В низшую иерархию входят Начала, Архангелы и Ангелы. Выделяют также старших Архангелов, особо приближенных к Богу. К их числу относится и Архангел Рафаил.
Имя Рафаил в переводе с арамейского означает «исцеление Божие», «врачевание». Об этом Архангеле повествуется в библейской Книге Товита. В ней говорится о том, как он, в виде юноши, сопутствовал праведному То́вии, сыну Товитову, и защищал его от нечаянных напастей в пути. Архангел был послан Господом не только для охранения, но и для исцеления семейства Товита и поведал о себе следующее: ныне Бог послал меня уврачевать тебя и невестку твою Сарру. Я – Рафаил, один из семи святых Ангелов, которые возносят молитвы святых и восходят пред славу Святаго[13]. Глава семьи – праведный Товит – страдал слепотой, и Рафаил, посланник Господень, дал его сыну повеление: взять рыбью желчь и помазать ей глаза отца. Лекарство разъело бельма, вызывавшие слепоту, и Товит, отерев глаза, чудесным образом исцелился.
Весьма поучительны слова, сказанные Архангелом при разлучении с этим праведным семейством. В них он сам указывает нам, при каких условиях скор на помощь. Во-первых, если человек открыто исповедует Господа и прославляет Его. Благословляйте Бога, прославляйте Его, признавайте величие Его и исповедуйте пред всеми живущими, что Он сделал для вас, – говорит Небесный посланник[14]. Во-вторых, он ратует за то, чтобы люди усердно молились и постились: «Доброе [дело] – молитва с постом»[15]. В-третьих, призывает всегда творить милостыню и справедливость, ибо милостыня от смерти избавляет и может очищать всякий грех[16].
По учению Церкви, этот святой Архангел не только врачует больных, но и утешает скорбящих, а также присутствует при погребении усопших. На иконах его изображают держащим в левой руке сосуд с лекарством, а в правой – птичье перо для помазывания ран. Иногда рядом изображают и праведного Товию.
Архангел Рафаил является Небесным покровителем медицины. Для православных врачей он – помощник, укрепляющий и вразумляющий, дающий силы понести ответственность в сложной ситуации или утешить пациента, если болезнь к смерти. Для верующих больных – врачеватель в скорбях и духовный наставник. Его можно назвать и покровителем тех, кто занимается благотворительностью. Когда ты не обленился встать и оставить обед свой, чтобы пойти и убрать мертвого, твоя благотворительность не утаилась от меня, но я был с тобою, – говорит он Товиту[17]. Поэтому тем, кто желает сподобиться Небесной помощи Архангела, надлежит самим быть милосердными к страждущим.
Составлено по источникам:
Святой Архангел Рафаил // Олейникова Т.С. Архангелы – наши покровители. М.: Ладья, 2003.
Архангел Рафаил // Общество православных врачей имени святителя Луки (Войно-Ясенецкого). [Сайт]. URL: http://www.opvr.ru/archangel_rafail.htm
Тропа́рь
глас 4
Небе́сных во́инств Архистрати́же*[18], / мо́лим тя при́сно* мы, недосто́йнии, / да твои́ми моли́твами огради́ши нас / кро́вом крил невеще́ственныя твоея́ сла́вы, / сохраня́я нас, припа́дающих приле́жно и вопию́щих: / от бед изба́ви нас, / я́ко чинонача́льник вы́шних Сил.
Канон[19]
глас 8
Песнь 1
Ирмо́с: Песнь возсле́м, лю́дие, чу́дному Бо́гу на́шему, свободи́вшему Изра́иля от рабо́ты, песнь побе́дную пою́ще и вопию́ще, пои́м Тебе́, Еди́ному Влады́це.
Припе́в: Святи́и Арха́нгели и А́нгели, моли́те Бо́га о нас.
Вси воспои́м, ве́рнии, вся управля́ющую невеще́ственныя го́рних* лико́в чинонача́лия, Тро́ицу Несозда́нную: Свят, Свят, Свят еси́, вопию́ще, Бо́же Вседержи́телю.
Припев: Святии Архангели и Ангели, молите Бога о нас.
Положи́л еси́ тва́рей Нача́ло, существо́ Безпло́тное, Тво́рче А́нгелов, пречи́стый Твой Престо́л окружа́ющее, зва́ти Тебе́: Свят, Свят, Свят еси́, Бо́же Вседержи́телю.
Сла́ва: Ра́дуйся, Гаврии́ле, тайнови́дче Бо́жия воплоще́ния, Михаи́ле же, чино́в невеще́ственных первостоя́телю, непреста́нно зову́ще: Свят, Свят, Свят еси́, Бо́же Вседержи́телю.
И ны́не: Трепе́щу та́инства, Христе́, Твоего́ снизхожде́ния, я́ко, И́же естество́м Бог, прия́л еси́ от Де́вы роди́тися я́ко Челове́к, да спасе́ши мир от рабо́ты проти́внаго.
Песнь 3
Ирмос: Страх Твой, Го́споди, всади́ в сердца́ раб Твои́х и бу́ди нам утвержде́ние, Тя во и́стине призыва́ющих.
Припев: Святии Архангели и Ангели, молите Бога о нас.
Кре́постию поста́вил еси́, Безсме́ртне, си́льныя, соверша́ющия всесвяту́ю Твою́ во́лю, Тебе́ в вы́шних всегда́ предстоя́щия.
Припев: Святии Архангели и Ангели, молите Бога о нас.
Таи́нники Твоего́ вочелове́чения и честна́го воста́ния, А́нгельския чинонача́льники, Христе́, за ны приими́ моля́щияся.
Слава: А́нгелы приста́вил еси́ храни́тели челове́ком, я́ко Благоутро́бен, служи́тели же показа́л еси́, Христе́, спасе́ния Твои́х уго́дников.
И ныне: Неизрече́нно зачала́ еси́ Го́спода и Спа́са, Богоневе́сто, избавля́ющаго ны от лю́тых, Тя вои́стинне призыва́ющия.
Го́споди, поми́луй. (Трижды.)
Седа́лен
глас 8
Небе́сных нача́льницы и первостоя́телие высокопресто́льных и стра́шных, Боже́ственныя сла́вы Михаи́ле и Гаврии́ле Архистрати́зи, А́нгелов чинонача́льницы, со все́ми Безпло́тными, о служи́телие Влады́чни! О ми́ре непреста́нно моля́щеся, испроси́те оставле́ние прегреше́ных на́ми, и ми́лость, и благода́ть обрести́ в день су́дный.
Слава, и ныне: Богоблагода́тная, Чи́стая, Благослове́нная, благоутро́бия ра́ди щедро́т из Тебе́ Ро́ждшагося, с вы́шними Си́лами, и Арха́нгелы, и все́ми Безпло́тными моли́ непреста́нно пода́ти на́м пре́жде конца́ ми́лостивно проще́ние грехо́в и жития́ исправле́ние, я́ко да обря́щем ми́лость.
Песнь 4
Ирмос: Всел еси́ на ко́ни, апо́столы Твоя́, Го́споди, и прия́л еси́ рука́ма Твои́ма узды́ их, и спасе́ние бысть ежде́ние Твое́ ве́рно пою́щим: сла́ва си́ле Твое́й, Го́споди.
Припев: Святии Архангели и Ангели, молите Бога о нас.
Всел еси́ на А́нгелы, я́коже на ко́ни, Человеколю́бче, и прия́л еси́ руко́ю Твое́ю брозды́ их, и спасе́ние бысть ежде́ние Твое́ непреста́нно вопию́щим: сла́ва си́ле Твое́й, Го́споди.
Припев: Святии Архангели и Ангели, молите Бога о нас.
Покрыва́ет А́нгелы доброде́тель Твоя́, Человеколю́бче, и земли́ исполня́ет концы́ Твоего́ сла́внаго, Безнача́льне, Боже́ственнаго хвале́ния, с ни́ми Тебе́ вопию́щи: сла́ва си́ле Твое́й, Го́споди.
Слава: Изше́л еси́, Ще́дре, на спасе́ние люде́й Твои́х, Христе́, созыва́еши же дру́ги, Си́лы Твоя́, и весе́лие бысть прише́ствие Твое́ ве́рно Тебе́ вопию́щим: сла́ва си́ле Твое́й, Го́споди.
И ныне: Де́ва и Ма́ти преесте́ственно* яви́лася еси́, Всечи́стая, я́ко Бо́га, Того́жде и Челове́ка Христа́ ро́ждшая. Ему́же со стра́хом вопию́т А́нгельстии чи́ни: сла́ва си́ле Твое́й, Го́споди.
Песнь 5
Ирмос: От но́щи неве́дения по душелови́тельному пути́ при́сно блудя́щаго, све́том ра́зума Твоего́, Го́споди, преднаставля́я мя, на стезю́ за́поведей Твои́х напра́ви.
Припев: Святии Архангели и Ангели, молите Бога о нас.
Невозвра́тным жела́нием при́сно к высоте́, к Тебе́, Христе́, носи́ми, кра́йнейшему всех жела́ний, А́нгельския си́лы непреста́нно Тя сла́вят.
Припев: Святии Архангели и Ангели, молите Бога о нас.
Ты у́мныя по существу́, нетле́нныя благода́тию Твое́ю, Христе́, устро́ил еси́ песнопе́вцы Твоего́ вели́чества, А́нгелы Твоя́ по о́бразу соде́лав, Непостижи́ме.
Слава: Ты непрекло́нны на го́ршее к Тебе́ приближе́нием, Христе́, сохрани́л еси́ Твоя́ слуги́, исто́чник бо бла́гости Ты еси́, благотвори́ши досто́йно Тебе́ служа́щия.
И ныне: Умерщвле́нную мою́ ду́шу страстьми́ ме́рзкими, Всенепоро́чная, оживи́, жи́зни Храни́теля ро́ждшая, и к стези́ ве́чней, и блаже́нней жи́зни упра́ви.
Песнь 6
Ирмос: Ио́ну в ки́те, Го́споди, еди́наго всели́л еси́, мене́ же, свя́заннаго мре́жами* вра́жиими, я́ко от тли* о́наго, спаси́.
Припев: Святии Архангели и Ангели, молите Бога о нас.
Благоле́пне от не су́щих, Го́споди, сло́вом Твои́м приве́л еси́ существа́ Небе́сных безсме́ртных во́инств, светови́дны ты́я соде́ловая.
Припев: Святии Архангели и Ангели, молите Бога о нас.
Таи́нницы честни́и Бо́жия хвале́ния бы́сте, Безпло́тнии, гра́ждане Небе́сныя и Боже́ственныя и́стинно ски́нии[20], Творцу́ досто́йно служа́ще.
Слава: Безпло́тных чи́ни у́мнии Тя, Сы́не Бо́жий Пребезнача́льный, хва́лят непреста́нно и славосло́вят, я́ко Творца́ и Созда́теля вся́ческих.
И ныне: Со Отце́м в вы́шних, Пречи́стая, безнача́льне седя́щаго, на объя́тиих Твои́х восклони́ти сподо́билася еси́: Его́же нам пода́ждь, Чи́стая, рабо́м Твои́м, Ми́лостива.
Го́споди, поми́луй. (Трижды.)
Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.
Конда́к
глас 2
Архистрати́зи Бо́жии, служи́телие Боже́ственныя сла́вы, А́нгелов нача́льницы и челове́ков наста́вницы, поле́зное нам проси́те и ве́лию* ми́лость, я́ко Безпло́тных Архистрати́зи.
И́кос
Рекл еси́, Человеколю́бче, в Писа́ниих Твои́х мно́жеству ра́доватися А́нгелов на Небеси́ о челове́це еди́ном ка́ющемся, Безсме́ртне. Те́мже мы, и́же в беззако́ниих, Безгре́шне, еди́не Сердцеве́дче, Тя моли́ти всегда́ дерза́ем, я́ко Благоутро́бнаго, уще́дрити и низпосла́ти недосто́йным умиле́ние, Влады́ко, подая́й нам проще́ние: о всех бо нас мо́лятся Тебе́ Безпло́тных Архистрати́зи.
Песнь 7
Ирмос: О́троцы евре́йстии в пещи́ попра́ша пла́мень дерзнове́нно и на ро́су огнь преложи́ша, вопию́ще: благослове́н еси́, Го́споди Бо́же, во ве́ки.
Припев: Святии Архангели и Ангели, молите Бога о нас.
Све́ты яви́л еси́, Ще́дре, А́нгелов Твои́х невеще́ственное существо́, неизрече́ннаго све́та исполня́еми непреста́нно, благослове́н еси́, зову́щия, Бо́же, во ве́ки.
Припев: Святии Архангели и Ангели, молите Бога о нас.
Ему́же предстоя́т непреста́нно, служа́ще, тьмы А́нгелов, ли́ца же зре́ти не терпя́т зре́ния, благослове́н еси́, зову́ще, Го́споди Бо́же, во ве́ки.
Слава: Сло́вом Твои́м Ипоста́сным А́нгельское естество́ соде́лал еси́, освяти́в же Боже́ственным Ду́хом, Тро́ицу богосло́вити научи́л еси́, Бо́же, во ве́ки.
И ныне: Три у́бо, у́мствующе, Ипоста́си, неопи́санное сла́вим Существо́, Отца́, Сло́ва со Ду́хом, вопию́ще: благослове́н еси́, Го́споди Бо́же, во ве́ки.
Песнь 8
Ирмос: На горе́ святе́й просла́вльшася, и в купине́* огне́м Присноде́вы Моисе́ови та́йну я́вльшаго, Го́спода по́йте и превозноси́те во вся ве́ки.
Припев: Святии Архангели и Ангели, молите Бога о нас.
А́нгельскому поревну́им житию́, и мы́сли впери́м* к высоте́, и с ни́ми невеще́ственно воспои́м Го́спода, пою́ще и превознося́ще во вся ве́ки.
Припев: Святии Архангели и Ангели, молите Бога о нас.
Лико́вственницы ликова́ния Небе́снии, Престо́л обстоя́ще сла́вы, о́крест Бо́га же всегда́ обраща́ющеся, А́нгели пою́т и превозно́сят Его́ во вся ве́ки.
Слава: Невеще́ственнаго огня́ творя́щей пла́мень, на высоте́ непреста́нно служа́щия, и А́нгелы ду́хи явля́ющей, Тро́ице покланя́емся и славосло́вим во вся ве́ки.
И ныне: Ему́же на Небеси́ предстоя́т с тре́петом тьмы А́нгел и Арха́нгел, Того́ на объя́тиих носи́ти сподо́билася еси́, Богоро́дице, моли́ спасти́ся славосло́вящим Его́ во вся ве́ки.
Песнь 9
Ирмос: Уста́вы прешла́ еси́ естества́, Соде́теля заче́нши и Го́спода, и дверь спасе́ния ми́рови была́ еси́. Тем Тя, Богоро́дице, непреста́нно велича́ем.
Припев: Святии Архангели и Ангели, молите Бога о нас.
Тя, неизрече́нно соедини́вшаго Небе́сным, Христе́, земна́я и еди́ну Це́рковь соверши́вша А́нгелов и челове́ков, непреста́нно велича́ем.
Припев: Святии Архангели и Ангели, молите Бога о нас.
А́нгели же и Арха́нгели, Престо́ли, Вла́сти и Госпо́дьства, Нача́ла же и Си́лы, Херуви́ми и Серафи́ми, с Богоро́дицею о ми́ре моли́теся.
Слава: Всех предста́телие показу́ющиися, Михаи́л с Гаврии́лом, посети́те от любве́ чту́щия всепра́зднственную па́мять ва́шу и ве́рно воспева́ющия: спаса́йте от вся́каго обстоя́ния*.
И ныне: Ра́дуйся, свята́я Богоневе́сто! Ра́дуйся, Свет ми́ру ро́ждшая ве́рным! Ра́дуйся, Стено́ и Покро́ве всех нас: Бо́га, я́ко Благоде́теля, за ны непреста́нно моли́.
Молитва[21]
О святы́й вели́кий Арха́нгеле Рафаи́ле, Престо́лу Бо́жию предстоя́й! Ты благода́тию, от всемогу́щаго Врача́ душ и теле́с на́ших тебе́ да́нною, пра́веднаго му́жа Тови́та от слепоты́ теле́сныя исцели́л еси́, и сы́на его́ То́вию, спутеше́ствуя ему́, от зла́го ду́ха сохрани́л еси́[22]. Всеусе́рдно молю́ тя, бу́ди мне путеводи́тель в жи́зни мое́й, сохрани́ от всех ви́димых и неви́димых враг, исцели́ душе́вныя и теле́сныя боле́зни моя́, упра́ви жизнь мою́ к покая́нию во гресе́х и ко творе́нию до́брых дел. О святы́й вели́кий Рафаи́ле Арха́нгеле! Услы́ши мене́, гре́шнаго, моля́щегося тебе́, и сподо́би в зде́шней и бу́дущей жи́зни благодари́ти и сла́вити о́бщаго Созда́теля на́шего в безконе́чныя ве́ки веко́в. Ами́нь.