ПОВЕСТЬ О ВЕЛИКОРЕЦКОЙ ИКОНЕ И ЧУДЕСА. 1551 – 1647
Текст публикуется по источнику: Повесть о явлении чудотворного образа Великорецкого Николы архиепископа Мерликийского с 18 илл. (№403, Маз.). Рукопись 17 века. – РГАДА. Ф. 196. Оп. 1. Д. 403. Л. 1—116 об. Выделенные курсивом слова являются примечаниями редактора. В ссылках указаны разночтения с Патриаршим списком (Гим. Син. 410), которые приводятся по Верещагин А. С. Повести о Великорецкой иконе // Труды Вятской ученой архивной комиссии, 1905. Вып. IV. Отд. 2. С. 38—43.
Повесть о явлении чюдотворнаго образа Великорецкого иже во святых отца нашего Николы архиепископа Мирликийских и вселенского чюдотворца
(л. 1) Слышахом от многих древних людей о проявлении честнаго сего образа, сие не смехом забвению предати: без написания и слышахом, бес писания написахом предахом и неведыи1, аще и инии написали о проявлении чюдотворнаго сего образа2, ведуще выше нас, еже от таковых на ум3 не приидоша: обыче, колико4 возмогохом и слышахом, тако и написахом.
Во дни великих князей, едущу (л. 1 об.) некоему християнину5 от своего дому, некоея ради потребы домовныя, и виде6 близ Великия реки аки свещи горяща многия. Он же, постояв мало, не разуме бывшая7, поеха в путь свой. Паки же ему едущу8 назад к домови своему, видит тоиж свет на том же месте и прииде близ онаго света, идеж свещи горяху, и виде ту икону стоящу, свещи ж невидими быша. Он же о сем чюдеси ужасеся, и взя9 икону сию и положи на сено и приеха в дом свой, постави сию ту икону10 в дому своем в пристенье, и не разуме бывшаго чюдеси, и (л. 2) никому ж11 о том поведа.
Стояше же сия икона в дому его несколко12 время. В та же лета в тои волости некий человек, Иван имянем13, лежа в разслаблении14 двадесят лет: и явися15 ему святый Николае и рече: пойди ко онсице християнину и приложися16 ко образу моему и получиши исцеление. Разслабленый17 же, убудився, не можаше итти18, понеже не твердо веровавше сему, помышляя во уме своем: где такова у того християнина икона. Во вторую ж нощ19 паки явися ему (л. 2 об.) святый Николае: аще не имаши сего сотворити, еже рекох ти, не имаши здрав быти. Возбнувшу же ему, слыша мало от болезни своея облегчение и поведа домашним своим первое и второе явление святаго, и повеле себе подзняти20 с постели своея. И егда двигнуша его, и абие он нача владети руками своими, и прекрести лице свое, на ногах же един не можаше итти. И поведоша его в дом прежереченнаго21 християнина, и егда приидоша в сенцы, идеже чюдотворный образ стояше, видеша свет [аки]22 (л. 3) множество23 пред чюдотворным образом. Разслабленый же, приложися к чюдотворному образу, совершенное исцеление получи, и бысть здрав. Християнин же о сем велми ужасеся, и нача поведати о явлении сего чюдотворнаго образа, како, едущу ему своея ради некия потребы, виде [аки] свещи горяща, и паки, назад едущу, тако ж [аки]24 свещи видев, и како чюдотворную сию икону25 взя в дом свой и постави в пристенье за двери с простоумия своего, и от того де времени26 и до сего (л. 3 об.) дни пред чюдотворным образом свещ27 не виде.
Слышавше28 же сие чюдотворение святаго, окреснии людие и собрашася29 з женами и з детми и, ведеша30 разслабленаго здрава, удивишася и обещащася часовную31 поставити, и, егда совершивше часовню, поставиша той чюдотворный образ в часовне. Прослы же слава о сем чюдотворном образе во всю страну Вятцкую32, и начаша приходить в часовню множество людей молитися святителю Николе пред чюдотворным его образом, и многая чюдеса быша (л. 4) от того чюдотвораго образа: слепии прозираху, разслаблении начаша ходити и всякими недуги одержимии, иже приходящеи к чюдотворному образу, тщи не отхождяху33, но вси исцеление приимаху. Егде ж людие видеша многая чюдеса от того святаго образа, обещашася34 во имя святаго Николы церковь поставити в той волости, и избравше35 место, где быть церкве: начаша бревна возити, бревна же нощию обретошася на ином месте, на горе на болоте; и закладоваху церковь до (л. 4 об.) трижды, идеже прежде начаша бревна возити, бревна ж обретахуся на том же месте на болоте на горе, идеже ныне стоит церковь святаго; а егда заложиша, тогда изволением Божиим и великаго архиерея Николы чюдотворца на том месте велми сухо бысть доныне36. И освятивше церковь, поставиша чюдотворную икону в новосозданней церкви, и многа37 чюдеса быша в то время.
В таже времена Вятцкую38 страну воеваху почасту Казанския Черемиса, и прихождаху многажды к церкви святаго39 (л. 5) и хотяху ея пожещи, церковь же невидима им бысть, якоже инии поведаху, иногда же40 и высоко от земли ея видяху, и отхождаху41 ничтоже сотворше. И, видяху людие села того приход зловерных Черемис почасту, бояхуся злаго их находа42 [нашествия] и поведаху сия во граде Хлынове, Хлынова же города вси людие восхотеша чюдотворную икону взять в город. Егда же икону чюдотворную села того священик с прилучившимися ту людми хоте подзняти, в город43 нести, икона же не подвижеся с места своего. Священик же (л. 5 об.) еха в город44 и поведа сие чюдо гражаном. Они же советовавше45 попоститися46 и послати из града по чюдотворную икону священика. Егда же приидоша на Великую реку в церковь святаго и хотеша взяти47 икону, икона же не подвижеся с места своего, яко48 и преже, и отпеваша49 молебная отидоша, таковаго дара не получивше, и паки поведавше50 во граде сие второе чюдо, како не подвижеся чюдотворная икона с места своего. Града же Хлынова людие обещашася поститися второе, чтобы в Троицы (л. 6) славимый Бог наш и святый Николае изволил чюдотворному образу быть во граде, а где проявися чюдотворная икона, на Великую реку с чюдотворным образом обещашася ездити по вся годы и тамо праздновати после праздника принесения51 честных мощей52, и послаша священиков паки и с ними избранных людей. Егда же приидоша на Великую реку и молебная совершивше подняша чюдотворную икону, не яко преже не подвижеся с места своего53. И поидоша с честною54 (л. 6 об.) сею55 и чюдотворною иконою во град, гражане ж сретоша той чюдотворный образ с великою радостию и поставиша в церкви56 Прокопия Устюжского чюдотворца внутри города, и многая чюдотворения в то время быша от чюдотворнаго сего образа: слепи и хромии и разслабленыя и всякими недуги одержимии исцеление приимаху. Видевше же сия преславная чюдеса, людие обещашася57 всею Вятцкою58 землею во граде Хлынове церковь поставити во имя святаго, еже и бысть. И егда совершивше (л. 7) поставиша в новую церковь сей святый чюдотворный образ, и многая исцеления подавахуся от образа сего и до ныне с верою приходащим. А идеже проявися святая сия икона, обещашася ездити с чюдотворным образом по вся лета непременно, после праздника принесения честных мощей его к недельному дни. А в коя лета принесена бысть во град Хлынов святая сия икона, писания не обретохом; но токмо в лета 702959, при великом князе Василье Ивановиче и при митрополите Варламе60 Московском, в та времена была обложена61 (л. 7 об.) чудотворная сия икона.
А кия62 лета проявися, писания не обретохом, понеже в лета63 7062, егда церковь в Хлынове городе Прокопия Устюжского згоре, и тогда самая чюдотворная сия икона64 святителя Николы потле во единем65 месте, идеже написано погребение святаго тела его.
И едва ис того пожару66 вынесоша чюдотворныя две иконы, святителя Николы да Прокопия Устюжскаго67, иного ж ничего не успеша вынести, тогда и о проявлении честнаго сего образа чюдотворнаго и многая чюдеса списанная згореша.
(л. 8) И о том писано68 блаженные памяти ко государю царю69 Ивану Васильевичу всея Русии и в лета70 7063 февраля в 23 день прислана государева грамота на Вятку к Вятцкому71 наместнику к Борису Ивановичу Сукину, а велено [тот] чюдотворный образ Великоретцкий великого чюдотворца Николы72 взять в нему государю к Москве, а приехав к Москве попу Георгию с тем образом велено явитца73 казначею Федору Ивановичю Сукину да Хозяину Юрьевичю Тютину, и что было старово окладу на том чудотворном (л. 8 об.) образе, и цаты и гривны золотые, переписать74 на список привесть к Москве.
И блаженные памяти государь75 царь и великий князь Иван Васильевич всея Русии на том чюдотворном образе потлелое место поновил, и вместо старово76 окладу, обложил новым чаканным окладом, а на средине77 ризу устроил златую, а старинной оклад велел отдать на Вятку.
И будучи78 на Москве с чюдотворным образом, от сего чюдотворнаго образа быша многая79 чюдеса всякими различными недуги притекающим к тому (л. 9) чюдотворному образу исцеление приимаху, якоже и в тропаре его писано июля в 29 день80 еже на принесение святаго сего образа от Вятки в царствующий град Москву, яко многая убо чюдеса в пришествии своем сотвори, болящия исцели и вся человеки удиви. Сего ради повелением самодержца царя списася с нея честная ж икона святителя Николы на просвещение и моление всем людем царска града, даже до днесь81 в царствующем граде Москве в соборной церкви82 Пресвятыя Богородицы честнаго и славнаго (л. 9 об.) Ея Успения.
Отпущен же бысть чюдотворный святителя Николы образ Великорецкий с Москвы на Вятку в Хлынов город83 в соборную церковь в лета84 7064 августа в 25 день при благоверном85 и великом князе Иване Васильевиче всея86 Русии и при митрополите Московском Макарии.
А до Вятки87 тот чюдотворный образ и молитвовать88 послан был Вознесенский протопоп Дмитрей да с ним дьякон89 Зиновей. А с Вятки к Москве ездили с чюдотворным образом поп Георгей да Федот з братьею90.
(л. 10)
Чюдеса иже во святых отца нашего Николы архиепископа мирликийских и вселенскаго чюдотворца. Сотворьшиися в разная времена от чюдотворнаго его образа Великорецкого, что на Вятке в Хлынове городе в соборной церкви списанныя отставшия от пожару, как соборная церковь згоре в лета 7062
Чюдо 1. Лета 7059 июня в 1 день (1 июня 1551) бысть по всей Вятцкой земли мраз велик одиннадцать дней, люди же Вятския земли быша в велицей печали и в недоумении (л. 10 об.) и чаяху плодом земным всем от мраза того измерзнути, но в Троицы славимый Бог наш помилова создание свое: положи совет благ, Хлынова города с уезды всем православным христианом, еже ездити паки на Великую реку с чюдотворным Николиным образом Великорецким, идеже проявися честная та чюдотворная икона, по вся годы попрежнему неотложно. И в той час бысть теплота велия, молитвами и заступлением святаго Николы чюдотворца, плодом же земным не бысть никоеяже (л. 11) порухи, и вместо великия тоя скорби быша в веселии и радости, воздаша хвалу всемилостивому и всещедрому и человеколюбивому в Троицы славимому Богу и Пречистей и Преблагословенней Владычице нашей Богородице и Приснодеве Марии и великому святителю архиепископу мирликийскому и вселенскому чюдотворцу и праздноваху на том чюдотворном месте паки возвращахуся во град Хлынов благодаряще Бога и святаго Николу чюдотворца
Конец ознакомительного фрагмента.